Հոկտեմբերի 27-ին Երևանի թենիսի և բադմինթոնի մանկապատանեկան մարզադպրոցում մեկնարկեց Հայաստանի 2023 թ. առաջնությունը: Առաջնության բացման արարողության ընթացքում ֆեդերացիայի գործադիր տնօրեն Հրաչյա Պողոսյանը խոսեց ֆեդերացիայի հիմնադրման և անցած ճանապարհի մասին։
- Այսօր մենք ունենք պայմաններ, որոնց մասին երազել ենք տարիներ առաջ։ Պիտի գնահատենք ու շարունակենք առաջ շարժվել, որովհետև այսքան ժամանակ կարողացել ենք վատ պայմաններին դիմանալ ու քրտնաջան աշխատել` սպասելով հենց այս պայմաններին, - նշեց Պողոսյանը` խոսելով Երևանի քաղաքապետարանի աջակցությամբ վերանորոգված մարզադահլիճի մասին։
Նրա խոսքերով` Հայաստանի բադմինթոնի ֆեդերացիայի և բադմինթոնի եվրոպական կոնֆեդերացիայի միջև համագործակցությունը մեծ դեր է խաղացել Հայաստանում բադմինթոնի զարգացման համար։
- Մի շարք զարգացման ծրագրեր ենք իրականացրել Հայաստանում ու շարունակելու ենք համագործակցել՝ սպասելով ավելի մեծ հաջողությունների, - նշեց Հրաչյա Պողոսյանը։
